Angol ang 2 ka lalaki human masimplang ang ilang gisakyang NMAX nga motorsiklo sa gi-repair nga bahin sa San Jose Highway, Digos City, duol sa usa ka warehouse.
Matud sa mga nakasaksi, kusog ang dagan sa motorsiklo ug posibleng wala dayon namatikdi sa mga sakay ang gi-repair nga aspalto tungod sa kakulang sa kahayag sa maong highway.
Gisulti usab sa pipila ka nakasaksi nga kulang ang warning devices sa lugar aron sayon kining makita sa mga motorista, ilabina panahon sa kagabhion.
Girespondehan sa CDRRMC ang insidente ug gidala sa Davao del Sur Provincial Hospital ang 2 ka naangol. Ang gi-repair nga bahin sa kalsada sakop sa proyekto sa DPWH.
