Giduso ni Senate Finance Committee Chair Senator JV Ejercito ang pagpasa sa Masterplan for Infrastructure National Development o MIND aron mas organisado ug mas epektibo ang pagplano sa mga proyekto sa imprastraktura, ilabina sa pagsulbad sa kanunayng pagbaha sa nagkalain-laing lugar sa nasud.
Matod ni Ejercito, kinahanglan unahon ang mga top 10 flood-prone areas ug dagkong river basin sa pagpatuman sa mga flood control project.
Dugang pa sa senador, makatabang ang MIND sa paglikay sa balik-balik nga proyekto, pagpadayon sa mga polisiya, ug pagpugong sa korapsyon pinaagi sa mas klarong pagbahin sa responsibilidad sa mga ahensya.
Alayon niini, gibutyag ni DPWH Secretary Vince Dizon nga wala pa’y usa ka hiniusang national flood control plan ang ahensya, tungod kay kaniadto mas gipunting ang mga masterplan matag suba ug river basin.
Photo Courtesy:Wikipedia
