Ipailawom sa Office of the Ombudsman ang 107 ka opisyal sa gobyerno sa usag-usa ka lifestyle check aron masiguro ug masusi ang gigikanan sa ilang mga propedad ug kabtangan.
Ang maong lakang gihimo isip pagtuman sa direktiba ni presidenti Ferdinand Marcos Jr. human sa pagbuto sa mga kontrobersiya ug isyu sa mga giingong ghost projects sa flood control.
Sa budget briefing sa House Committee on Appropriations, gipadayag ni Ombudsman Jesus Crispin Remulla nga gilaoman pa ang pagtaas sa ihap sa mga opisyal nga susihon.
Tutokan sa ahensya ang mga kawani gikan sa mga income-generating agencies sama sa Bureau of Customs (BOC), Land Transportation Office (LTO), ug Bureau of Internal Revenue (BIR) kung asa kasagaran ginaingon nga dunay taas nga risgo sa anomalous transactions.
Dugang pa ni Remulla, giimbestigahan usab sa iyang buhatan ang P8-bilyon nga building project sa Bureau of Immigration (BI) nga halos 12 ka tuig nang gihimo ug wala pa mahuman.
Nunot niini, nangayo ang Office of the Ombudsman og P7.23 bilyon nga pondo alang sa gisugyot sa 2027 national budget—mas taas kumpara sa pondo sa ahensya nga P6.42 bilyon alang sa tuig 2026—aron mas mapalig-on ang ilang mga imbestigasyon ug kampanya batok sa korapsyon
Photo Courtesy: Philippine News Agency
