Gibansay sa defensive driving ug first responder procedures ang mga drayber sa ambulansya sa Manolo Fortich / ug mga operator sa Patient Transport Vehicles o PTV sa gipahigayong orientation sa Super Health Center sa Pol-oton, Barangay Tankulan niadtong Oktubre 7, 2026.
Tumong sa pagbansay nga mapalambo ang kalidad sa serbisyo ug masiguro ang kaluwasan sa mga pasyente, drayber ug ubang naggamit sa kadalanan ilabina panahon sa emerhensya.
Lakip sa mga hisgotanan ang safety protocols sa paspas ug luwas nga pagresponde legal nga mga rekisitos ug kompleto nga lisensya sa ambulansya ug PTV ingon man ang hustong paggamit ug pag-atiman sa emergency medical equipment.
Gipasiugda usab ang mga lakang nga kinahanglang sundon human sa matag biyahe aron masiguro ang kahandam sa mga sakyanan ug kagamitan sa sunod nga emerhensya.
Photo courtesy: LGU Manolo Fortich
