Nagpaabot ug pagpasalamat si LTC LOUIE DONDI P JABAGAT INF (GSC) PA, Commanding Officer, 66th Infantry (Kabalikat) Battalion, ngadto sa mga law enforcement agencies nga miapil sa gipahigayon nga tulo ka adlaw nga Inter-Agency Close Quarters Battle (CQB) Training didto sa Barangay Poblacion, Caraga, Davao Oriental.
Tumong sa maong kalihokan aron nga mapalambo ang kahibalo, kahanas ug kahandam sa mga personahe sa nagkalainlaing ahensya sa pagpatuman sa balaod sa pag-atubang sa mga emerhensiya ug mga sitwasyon nga nagkinahanglan og dal inga aksyon.
Ang maong pagbansay-bansay gisalmotan sa mga personahe gikan sa Philippine National Police (PNP), Philippine Coast Guard (PCG), ug sa 1104th Community Defense Center (CDC) sa 11th Regional Community Defense Group (RCDG), Reserve Command, Philippine Army (RCPA), uban ang suporta sa Local Government Unit (LGU) sa Caraga, Davao Oriental.
