Gi-ban na sa Department of Information and Communications Technology (DICT) ang access sa online game nga GoreBox sa Pilipinas human giingong wala matubag sa game developer ang mga concern sa gobyerno kabahin sa posibleng harmful effects niini.
Matud ni DICT Secretary Henry Aguda, gihatagan og due process ang developer ug gihangyo nga ipasabot ang mga lakang aron malikayan ang posibleng harmful effects sa dula. Apan, wala kini makahatag og igo nga tubag ug miuyon na lamang nga i-block ang access sa GoreBox sa nasud.
Una nang temporaryong gipugngan sa Cybercrime Investigation and Coordinating Center o CICC ang maong dula niadtong Hunyo human ma-ugnay sa pagpamusil sa San Jose National High School sa Tacloban City, diin tulo ang namatay ug 20 ang nasamdan.
Padayon pang gisusi sa mga awtoridad ang posibleng impluwensya sa dula sa insidente.
Photo Courtesy: Google Play
