Gitugyan sa Department of Social Welfare and Development (DSWD) Field Office X ang bag-ong pultahan sa panginabuhian nga pundo mokabat sa ₱300,000 alang sa siyam (9) ka People’s Organizations sa Malaybalay City, Bukidnon atol sa paglusad sa PAMANA Livelihood Program sa Kaamulan Open Theater, Agosto 27, 2026.
Mismo si Regional Director Glofelia J. Uayan, kauban sila si PD-BBM Director Miramel G. Laxa ug Bukidnon Governor Rogelio Neil Roque, ang nangulo sa paghatag sa maong tabang nga nagtumong sa pagpalig-on sa mga micro-enterprise ug paghatag og malungtarong kapanguhaan alang sa kalambuan sa matag komunidad.
Gilangkuban sa upat ka pangunang barangay sa dakbayan sa Malaybalay ang nakadawat sa maong pundo nga gipundok base sa ilang dapit sama didto sa Barangay Kalasungay (Umayagon Farmers Association ug Pigbuligaan Riders Association), Barangay Can-ayan (Can-ayan Motor Riders, Can-ayan Lady Growers Association, ug Sitio Tigbawan Corn Growers), Barangay San Jose (Pineville Homeowners Association), ug ang Barangay Caburacanan ug Busdi (Pigbuligaan Caburacanan Chapter, Pigbuligaan Busdi Chapter, ug Bendum Youth Organization).
Pinaagi sa maong lakang, gilauman nga mas molambo ang panginabuhi ug mas mapalig-on ang kalinaw diha sa tibuok lalawigan.
Photo Courtesy: DSWD – 10
