Nakaplagan niadtong Miyerkules sa buntag, Agusto 26, 2026, ang usa ka SUV nga adunay mga igo sa bala sa Labastida Street, Barangay Poblacion, Kidapawan City.
Base sa inisyal nga impormasyon, adunay nakarekober usab nga gituohang shabu sa karsada duol sa maong sakyanan. Wala pa sa pagkakaron makumpirma kung kinsa ang tag-iya sa SUV ug kung adunay nalambigit nga mga tawo sa maong insidente.
Sa kasamtangan, padayon ang imbestigasyon sa mga otoridad aron masayran ang gigikanan sa mga igo sa bala sa sakyanan ug ang posibleng kalambigitan niini sa nakarekober nga gituohang ilegal nga droga.
Gisusi na usab sa mga otoridad ang ubang impormasyon ug ebidensya, nga mahimong makatabang sa pag-ila sa mga nalambigit sa insidente.
Photo Courtesy:Jomil Ursal
