Nagtumong ang Department of Trade and Industry o DTI nga makatigom og kapin P1 bilyon nga sales gikan sa national trade fairs karong tuiga.
Mas taas kini kumpara sa kapin P700 milyon nga sales nga natala niadtong 2025, samtang padayon nga gipangita sa DTI ang dugang nga market opportunities alang sa mga micro, small and medium enterprises o MSMEs.
Pinaagi sa mga trade fair, gihatagan og oportunidad ang mga lokal nga negosyante ug producers nga ipakita ug ibaligya ang ilang mga produkto ngadto sa mas daghang consumers.
Gilauman nga ang dugang nga sales makatabang sa MSMEs sa pagpalapad sa ilang negosyo, paghimo og trabaho ug pagpalig-on sa lokal nga ekonomiya.
Padayon usab ang paningkamot sa DTI sa pagtabang sa mga MSME nga makasulod sa mas dagkong merkado ug makapadayon sa ilang negosyo pinaagi sa bag-ong mga oportunidad.
Photo Courtesy: Philippine News Agency
