Gitunol sa Department of Labor and Employment o DOLE XII og kapin P4.04 milyones nga livelihood assistance ngadto sa 138 ka benepisyaryo sa Sultan Kudarat pinaagi sa DOLE Integrated Livelihood Program. Ang pinakabag-ong pag-apod-apod sa mga starter kit gihimo niadtong nakalabay nga adlaw, sa Columbio, human sa sunod-sunod nga distribusyon sukad Septiyembre 25 sa nagkadaiyang lungsod ug siyudad sa maong probinsya.
Gilaoman nga makatabang ang maong ayuda sa pagsugod o pagpalambo sa panginabuhian sa mga benepisyaryo ug sa pagpalig-on sa ilang kita alang sa pamilya. Gipahigayon usab sa PhilHealth XII ang oryentasyon bahin sa YAKAP program aron mahibal-an sa mga benepisyaryo ang mga serbisyo sa primary healthcare nga ilang ma-avail.
Photo courtesy: DOLE XII
