Gipalig-on sa Carmen Municipal Police Station ug lokal nga pangagamhanan ang koordinasyon sa mga personahe nga nagbantay sa mga eskwelahan, lakip ang Barangay Peace Action Teams o BPATs ug mga school watchmen gikan sa 21 ka barangay.
Pinaagi sa miting niadtong Oktubre 9, gitumong nga mas klaro ang pagtinabangay sa kapolisan, eskwelahan ug komunidad aron mapanalipdan ang mga estudyante ug mga magtutudlo.
Apil usab sa maong kalihokan ang mga representante sa mga eskwelahan ug district supervisor sa lungsod. Giduso sa Carmen MPS ang padayong pagtinabangay ug pagkamabinantayon sa matag barangay aron masiguro nga dili lang sulod sa eskwelahan, kondili apil ang palibot niini, angayng tagdon sa mga lakang alang sa kaluwasan.
