Nagtinabangay ang mga sakop sa Municipal Disaster Risk Reduction and Management Office o MDRRMO ug kapulisan sa President Roxas, sa pagpangita ug pagrekober sa lawas ni Josel Robles Lampria, human kini madala sa kusog nga agos sa tubig baha sa Barangay Allab, Arakan, Cotabato, tungod sa kusog nga pag-ulan.
Pinaagi sa koordinasyon sa mga otoridad sa Arakan ug President Roxas, narekober ang lawas ni Lampria, nga anaa sa ulahing bahin sa edad nga 30 anyos ug residente sa Barangay Meocan, Arakan, sa Kulaman River, Purok 2, Barangay Lama-Lama, President Roxas, Cotabato pasado alas-9:30 sa buntag niadtong Sabado, Oktubre 10, 2026.
Sa kasamtangan, nagbangutan karon ang pamilya sa maong biktima gumikan sa wala damhang panghitabo nga masinati sa pamilya. Ingon man, padayon usab nga gisusi og gipamatud-an sa mga otoridad ang dugang pang mga detalye sa insidente aron masayran ang tibuok panghitabo ug aron mahatagan ug kompletong katin-awan ang pamilya sa biktima.
