Nadakpan sa Tracker Team sa Magpet Municipal Police Station, ang usa ka 52-anyos nga lalaki nga giila sa alyas nga “Kapid,” nga nalista isip Top 8 Provincial-Level ug Top 2 Municipal-Level Most Wanted Person, pasado alas-9:20 sa gabii niadtong Oktubre 9, 2026, sa Barangay Gubatan, Magpet, Cotabato.
Gipahigayon ang operasyon ubos sa direktang pagdumala ni PCPT Leonardo C. Bariquet Jr., OIC sa Magpet MPS, sa koordinasyon sa CPPO-PIU, Antipas MPS ug RIU 12. Nadakpan ang suspek pinaagi sa warrant of arrest alang sa kasong Murder ubos sa Article 248 sa Revised Penal Code, nga adunay Criminal Case No.8847-2025. Ang warrant giisyu sa Regional Trial Court sa Kidapawan City niadtong Mayo 9, 2025, ug walay piyansang girekomenda alang sa maong kaso.
Human sa pagdakop, gipahibalo sa suspek ang iyang mga katungod ubos sa balaod ug gidala sa Magpet MPS alang sa booking ug medical examination sa wala pa siya ibutang sa custodial facility sa estasyon. Gani, nagpakita ang maong operasyon sa padayon nga paningkamot sa Magpet MPS, ug sa mga kaubang yunit sa pagpangita sa mga wanted person ug pagmintinar sa kalinaw ug seguridad sa komunidad.
Photo courtesy:Magpet MPS
