Nadakpan ang usa ka wanted person sa kapulisan atol sa pagserbisyo sa warrant of arrest nga gipahigayon sa Tracker Team sa Sta. Ana Police Station, kauban ang mga personahe sa RT Lim Municipal Police Station ug Zamboanga Sibugay Police Provincial Office niaging adlaw
Naila ang dinakpang lalaking usa ka hamtong ug residente sa Purok 6, Barangay San Miguel, IGACOS, Davao del Norte kung asa mag atubang sa kaso nga Rape in Relation to Republic Act 7610 o Child Abuse Law, ubos sa Criminal Case Number 1-9012.
Sumala sa report sa kapulisan, walay girekomendar nga piyansa alang sa maong kaso. Human sa pagdakop, gipahibalo ang akusado sa iyang mga katungod ubos sa balaod gamit ang pinulongan nga iyang hingpit nga nasabtan.
Sa pagkakaron, anaa na sa kustodiya sa Sta. Ana Police Station, ubos sa Davao City Police Office, ang nadakpang lalaki alang sa dokumentasyon ug hustong disposisyon sa iyang kaso. Ang maong operasyon kabahin sa padayong paningkamot sa kapulisan sa pagpatuman sa balaod ug pagdakop sa mga indibidwal nga adunay giatubang nga kaso.
