Andam ang Department of Agriculture Region 10 sa paghatag og suporta sa mga mag-uuma ilabina karong panahon nga gibati ang epekto sa El Niño.
Matod ni DA-10 Regional Executive Director Jose Apollo Pacamalan, padayon ang mga programa sa kagamhanan aron mapalig-on ang produksyon ug panginabuhian sa mga mag-uuma sa rehiyon.
Lakip niini ang pag-apod-apod og farm tractors ug trucks ngadto sa mga farmer cooperatives, nga gitumong aron mapadali ang pagdala sa ilang mga produkto ngadto sa mga merkado.
Sumala pa ni Pacamalan, pinaagi sa mga kagamitan, makatabang ang gobyerno sa pagpauswag sa agricultural productivity ug sa pagdugang sa kita sa mga mag-uuma, ilabina sa pag-atubang sa mga hagit nga dala sa El Niño.
Photo courtesy: Department of Agriculture – Northern Mindanao
