Gipalig-on sa 4th Infantry “Diamond” Division sa Philippine Army ang ilang community-based security force human nakatapos ang 110 ka bag-ong gibansay nga CAFGU Active Auxiliaries (CAA) sa CAA-I Basic Military Training sa 4th Division Training School nga nahimutang sa 403rd Infantry Peacemaker Brigade Camp Osito D. Bahian, barangay 10, Malaybalay City Bukidnon
Ang maong mga graduwado gipailalom sa bug-at nga pagbansay aron mapalambo ang ilang disiplina, kahanas, ug sukaranang kahibalo sa militar aron mas maandam sa paghatag og seguridad sa ilang lugar.
Magsilbi silang force multipliers ug “lead scouts” nga motabang sa regular nga yunit sa Army sa pagsiguro sa mga instalasyon, pagtigom og impormasyon, ug pagsuporta sa law enforcement sa Northern Mindanao ug Caraga.
Sumala ni Major General Marion T. Angcao, Commander sa 4ID, importanteng community-based frontliners ang mga CAA tungod sa ilang kahibalo sa lokal nga komunidad, diin dako ang matampo sa ilang dugang pwersa sa pagmintinar sa kalinaw ug seguridad sa probinsya ug sa tibuok rehiyon
Photo courtesy:4th Infantry “Diamond” Division PA
