Nagpagawas og opisyal nga pamahayag ang Impasug-ong National High School human nadiskobrehan ang mga gidili ug delikadong gamit sulod sa campus atol sa gihimong pagpang-inspeksyon sa personal nga gamit sa mga estudyante kagahapong adlawa.
Gilayon nga gipatuman sa tunghaan ang ilang standard safety procedures ug gisugdan ang administrative process subay sa Child Protection Policy aron matan-aw ang kaso sa mga nalambigit nga estudyante samtang gipanalipdan ang ilang katungod ug confidentiality.
Aron masiguro ang seguridad, nakig-alayon na ang eskwelahan sa kapulisan alang sa mas hugot nga police visibility palibot sa campus, samtang nagpadayon gihapon ang regular nga klase.Aron mapugngan ang pag-usab sa maong insidente, giawhag sa administrasyon ang mga ginikanan ug guardians nga kanunayng tan-awon ug susihon ang mga bag ug gamit sa mga anak sa dili pa kini moadto sa tunghaan.
Nanawagan usab ang tunghaan sa publiko ug sa mga estudyante nga likayan ang pagpakaylap sa walay kamatuorang balita ug espekulasyon sa social media aron dili makadugang og kalisang sa komunidad.
Gipahibalo sa eskwelahan nga ang tanang opisyal nga impormasyon bahin sa maong isyu i-post lamang sa ilang opisyal nga communication channels
Photo Courtesy: Impasugong NHS
