Nasakmit ni Joperzon Trazo ang kampyonato sa Philippine Boxing Federation (PBF) Flyweight Division atol sa Boxing sa Plaza 2026, Kini kabahin sa pagsaulog sa ika-57 nga Charter Day sa dakbayan sa Mandaue.
Madasigon ang suporta sa mga Mandauehanon alang sa mga boksingero nga nakigkompetensya sa nagkadaiyang kategorya gikan 45 hangtod 58 kilos. Ang mga mananaog nakadawat og cash prize, tropeo, medalya ug championship belt. Gipadayag ni Mandaue City Mayor Thadeo “Jonkie” Ouano nga ang boxing nagtudlo sa kamahinungdanon sa disiplina, kaisog ug kakugi.
Dugang pa, ang Boxing sa Plaza 2026 dili lang kabahin sa Charter Day celebration, kondili usa usab ka oportunidad alang sa mga batang ug bag-ong boksingero nga mapalambo ang ilang abilidad ug maabot ang ilang mga pangandoy.
Photo courtesy: Mandaue City Public Information Office
