Nagpatuman ang Estados Unidos og 50 porsyentong taripa sa nagkadaiyang produkto gikan sa Canada nga mokabat sa hapit 20 billion dollar ang kantidad.
Misunod kini human napakyas ang trade negotiations tali sa duha ka nasod. Wala nakab-ot ang klarong kasabutan nila US President Donald Trump ug Canadian Prime Minister Mark Carney atol sa ilang tulo ka adlaw nga panaghisgot sa White House, ilabina sa posibleng pagpaubos sa taripa.
Matud ni Carney, motubag ang Canada sa umaabot nga mga adlaw pinaagi sa katumbas nga lakang batok sa mga produkto sa Estados Unidos. Gilauman nga maapektuhan niini ang mga negosyante sa Canada nga nagsuplay og mga produkto ngadto sa merkado sa Estados Unidos.
Photo Courtesy: National Defense Magazine
