Patay ang asawa human gipamusil ang magtiayong negosyante samtang samdan ang iyang bana, sa tulay boundary sa Pikit Cotabato ug Pagalungan Maguindanao del Sur, pasado alas-10:50 sa buntag niadtong Agosto 21, 2026.
Giila ang mga biktima nga sila si Orlan Turga Saguta-on ug iyang asawa nga si Colie Mar Fuscablo Sugata-on, pulos residente sa Barangay Amas, Kidapawan City. Ang magtiayon padulong unta sa Barangay Takepan aron maghatod og coconut seedlings.
Giatake sila sa mga wala pa mailhing suspek nga sakay og motorsiklo, samtang nagbiyahe sakay sa ilang pula nga multi-cab. Gilayong girespondihan sa mga kapulisan sa Pikit ug Pagalungan aron motabang sa mga biktima sa dapit nahitaboan.
Samtang padayon nga gibantayan ang kahimtang sa lalaki, gisusi usab sa kapulisan ang insidente aron mahibal-an ang motibo ug identidad sa mga responsable sa pagpamusil.
Photo Courtesy: Instagram
