Patay ang 18-anyos nga si Jian Mahinay human gidunggab sa may likod ug ilok nga bahin sa lawas atol sa panaglalis sa gipahigayong disco sa “Linggo ng Kabataan” duol sa Municipal Dome, Barangay Poblacion, Impasug-ong, Bukidnon, pasado alas 1:20 sa kaadlawon niadtong Agosto 22, 2026.
Gikabutyag ni PCPT Keir Jhon R. Hallasgo, Hepe sa Impasug-ong MPS, sa pakighinabi sa Juander Radyo Malaybalay nga gidala pa sa ospital ang biktima apan gideklarar kining dead on arrival pagka-alas 2:20 sa kaadlawon tungod sa mga samad gikan sa maong away kung asa giingong pulos ubos sa impluwensya sa ilimnong makahubog ang suspek ug biktima.
Aresto ra usab dayon pinaagi sa hot pursuit operation niadtong alas 8:30 sa buntag ang 17-anyos nga suspek nga taga-Sumilao, Bukidnon pinaagi sa tabang sa mga nakasaksi sa krimen
Giandam na sa kapolisan ang kasong Homicide batok sa maong minor de edad ug nakig-alayon na sila sa Municipal Social Welfare and Development Office (MSWDO) alang sa saktong pagproseso kaniya subay sa balaod.
Photo Courtesy: Impasug-ong MPS
