Nipirma ang kadaghanan sa mga senador sa usa ka resolusyon nga supak sa Temporary Restraining Order (TRO) nga gipagawas sa Pasig Regional Trial Court, nga maoy nagpahunong sa implementasyon sa ₱85 nga minimum wage increase alang sa mga mamumuo sa National Capital Region.
Matud sa Senado, kapin sa 1.1 milyon ka mga trabahante sa NCR ang naapektuhan sa maong TRO ug tulo lamang sa mga senador ang wala mipirma sa resolusyon.
Giila ang maong mga senador nga sila Rodante Marcoleta, Senador Jinggoy Estrada, ug Ronald “Bato” Dela Rosa. Sa pagkakaron, wala pa’y opisyal nga tubag gikan sa Pasig RTC bahin sa maong resolusyon.
Photo Courtesy: Human Resource Online
