Mikaylap sa social media ang istorya bahin sa usa ka lalaki nga giingong nagpakasal sa iyang kaugalingon human sa 17 ka higayon nga napakyas sa relasyon ug ubay-ubay usab nga kapakyasan sa kaminyoon.
Sa mga naglutaw nga post online, giila ang maong lalaki nga si Antoine Cheval, nga makita nga nagsul-ob og tunga nga suit ug tunga nga wedding gown, isip simbolo sa gitawag nga sologamy o self-marriage. Giingon usab nga adunay seremonya diin nagbaylo siya og singsing ug panaad atubangan sa iyang pamilya ug mga higala.
Adunay konsepto nga gitawag og sologamy, diin ang usa ka tawo simbolikong “nagpakasal” sa iyang kaugalingon isip pagpakita sa self-love, self-acceptance ug personal nga paningkamot. Apan, kini wala’y legal nga balido isip kaminyoon sa kadaghanang nasud.
Samtang wala pa mapamatud-i ang partikular nga istorya bahin kang Antoine Cheval, gikinahanglan ang publiko nga magmatngon sa pagtuo ug pagpakaylap sa mga impormasyon nga wala pa beripikado, ug magsalig lamang sa kasaligan ug opisyal nga mga tinubdan sa balita.
Photo Courtesy: Jeux d’enfants
