Nagpakita na og positibong kalamboan ang panaghisgot alang sa kalinaw tali sa Estados Unidos ug Iran, sumala sa pahayag sa Qatar, nga maoy hinungdan sa pagkunhod sa presyo sa lana sa kalibutanong merkado.
Matud pa sa Qatar, gihisgutan ni U.S. President Donald Trump ug ni Emir Sheikh Tamim bin Hamad Al Thani ang mga lakang aron mapaduol ang posisyon sa Washington ug Tehran ug maibalik ang normal nga kahimtang sa Strait of Hormuz.
Bisan pa niini, gipasiugda sa Iran nga wala pa’y pormal nga negosasyon nga nagpadayon tali kanila ug sa Estados Unidos.
Samtang, padayon usab ang positibong panaghisgot sa Iran ug Oman kabahin sa luwas nga pag-agi sa mga barko sa Strait of Hormuz, bisan pa nga nagpabiling limitado ang paglihok sa maong rutang giila nga usa sa labing importante nga agianan sa suplay sa lana ug liquefied natural gas sa kalibutan.
Photo Courtesy: Al Arabiya
