Andam nang ilunsad sa Department of Energy (DOE) ang Green Energy Auction (GEA) alang sa mga off-grid island communities pinaagi sa National Power Corporation (NAPOCOR).
Tumong sa maong programa ang pag-ilis sa mahal nga diesel power generation ngadto sa renewable energy ug battery storage systems aron mapalig-on ang suplay sa kuryente sa mga isla ug mapakunhod ang Universal Charge for Missionary Electrification (UCME) nga ginabayran sa mga konsumidor sa tibuok nasud.
Matud ni DOE Undersecretary Rowena Cristina L. Guevara, dako ang mahatag nga kaayohan sa proyekto tungod kay makatabang kini sa pagpagaan sa gastuhon sa mga konsumidor pinaagi sa pagkunhod sa pinansyal nga palas-anon ubos sa UCME mechanism.
