Migahin ang Foodpanda Philippines og P20 milyon nga pondo aron suportahan ang kaayohan sa ilang mga delivery rider atol sa ting-uwan.
Sa pahayag nga gipagawas sa kompanya niadtong Martes, gipasabot nga ang maong programa maglangkob sa panahon gikan Hunyo hangtod Agosto, isip kabahin sa ilang paningkamot sa paghatag og dugang nga proteksyon ug insentibo sa mga rider nga nagpadayon sa pagserbisyo bisan pa sa dili maayong kahimtang sa panahon.
Lakip sa mga benepisyo ang dugang nga P10 hangtod P15 matag delivery alang sa mga rider nga mopadayon sa paghatod sa mga order panahon sa mahuyang hangtod kasarangang pag-ulan.
Sumala sa Foodpanda Philippines, ang maong inisyatiba kabahin sa ilang padayon nga pag-ila sa dedikasyon ug sakripisyo sa mga delivery rider, ilabina sa panahon sa ting-uwan, aron masiguro ang ilang kaayohan samtang nagpadayon sa paghatag og serbisyo sa publiko.
Photo Courtesy: The Malaysian Reserve
