Mapasigarbuhon ang Local Government Unit sa Mahayag, Zamboanga del Sur human mapabilin isip Top 1 PWD-Friendly Municipality sa Zamboanga del Sur, ilawom sa Persons with Disability Affairs Office (PDAO).
Atol sa 2026 PDAO Summit gipadayag ni Mahayag Mayor Manuel Saladaga ang makanunayong panagtinabangay tali sa mga municipal officials ug sa PDAO head uban ang mga PWDs, nakatampo sa mapadayunong pag-angkon isip Top 1 PWD-Friendly Municipality sa Zamboanga del Sur.
Segun ni Mayor Saladaga, ang maong pag-ila nagpakita sa padayon nilang paningkamot sa pagpanalipod ug paghatag og patas nga serbisyo ug pagpatuman sa mga programa alang sa mga Persons with Disabilities (PWDs).
Gipasalamatan usab ni Mayor Saladaga ang tanang sektor ug mga organisasyon nga nagtinabangay aron mapabilin ang lungsod nga nga naghatag ug patas nga pagtratar sa tanang sektor sa katilingban.
Dugang sa Mayor ang kalampusan sa ilang munisipalidad nagsilbing inspirasyon sa ubang lokal nga panggamhanan sa lalawigan sa pagpalambo pa sa ilang mga programa alang sa sektor sa Persons with Disabilities.
