Lima ka pulis ang lakip sa labing menos 14 ka namatay human sa usa ka gituohang pagpamomba nga nahitabo sa gawas sa estasyon sa pulis sa Kabal area, Swat district sa Khyber Pakhtunkhwa province sa Pakistan.
Base sa report sa mga otoridad, namatay usab ang walo ka sibilyan ug ang gituohang responsable sa pagpamomba, samtang 18 pa ang nasamdan. Nahitabo ang insidente atol sa usa ka pro-police rally, apan wala pa makumpirma kon kini ba ang tukmang target sa pag-atake.
Giangkon sa militanteng grupong Tehreek-e-Taliban Pakistan ang responsibilidad sa maong insidente. Samtang gikondena usab ni Prime Minister Muhammad Shehbaz Sharif, ang pagpamomba samtang padayon ang imbestigasyon ug operasyon sa mga otoridad batok sa mga posibleng kauban sa maong grupo.
Photo Courtesy: The New York Times
