Labing menos 21 ka tawo ang nasamdan human sa dakong sunog nga miulbo sa Queens, New York City. Sumala sa New York Fire Department (FDNY), ang mga nasamdan nga bombero gidala dayon sa mga ospital alang sa dinaliang pagtambal. Bisan og walay namatay sa insidente, lima sa mga bombero ang nakaangkon og mas grabeng samad, ug usa kanila nagpabiling na-confine sa ospital sa kritikal nga kondisyon.
Nagsugod ang sunog mga alas 10:00 sa buntag sa usa ka balay duol sa College Point Boulevard sa Flushing ug dali nga mikaylap ngadto sa duha pa ka silingang mga bilding. Daghang residente ang giluwas sa mga responding firefighters samtang naningkamot silang mapugngan ang pagkaylap sa kalayo.
Sa pagkakaron, padayon ang imbestigasyon sa mga awtoridad aron matino ang hinungdan sa sunog, samtang giseguro usab nila ang kaluwasan sa mga residente sa apektadong lugar.
Photo Courtesy: BNO News
