Nanawagan ang Alliance for the Conservation of Enigmatic Wildlife (EnWild) nga hunongon na ang paggamit sa mga hayop isip simbolo sa pagkadaotan sa tawo. Ang EnWild usa ka grupo nga nagpasiugda og kawsa, nga gilangkuban sa mga batan-ong siyentista, artista, mga tigpanalipod sa kinaiyahan, ug uban pa.
Tumong nila nga palig-onon ang panawagan alang sa pagpreserbar sa mga espisye nga talagsaon o dili kaayo ilado (enigmatic ug non-charismatic) ug sa ilang mga pinuy-anan. Sa usa ka post sa Facebook sa EnWild niadtong Martes, Hulyo 28, gilista nila ang mga hayop nga sagad gigamit aron ihulagway ang mga sayop o bati nga kinaiya sa tawo, sama sa mga bitin, baboy, ug ilaga.
Laing pananglitan mao ang mga buaya, nga sagad gigamit nga simbolo sa mga kurakot nga politiko. Busa, imbes nga gamiton ang mga hayop isip simbolo sa korapsyon o kapintasan, angay natong ilhon ang kamatuoran nga ang tinuod nga tinubdan niining mga kinaiya naggikan mismo sa mga tawo.
Photo Courtesy:Tiktok
