Sikop ang usa ka lalaki kinsa nasakmitan ug iligal nga drugang shabu atol sa gilusad nga search warrant operation sa kapulisan sa Brgy. San Vicente, Dapitan Citry, Zamboanga del Norte niadtong milabayng adlaw. Giila ang dinakpan nga si alyas Benj, 32 anyos ug residente sa nasangpit nga dapit.
Atol sa operasyon, narecover gikan sa dinakpan ang 6 ka gramo sa shabu nga nagkantidad ug Php40,800.00 lakip na ang mga drug paraphernalia ug mga non-drug items.
Gilusad ang maong operasyon pinangunahan sa mga personahe sa Dapitan City Police Station. Gidala ngadto sa kustudiya sa Dapitan CPS ang dinakpan samtang ang mga nasakmit nga mga ebidensya giturnover ngadto sa ZN Provincial Forensic UNIT-9 alang sa eksaminasyon.
Photo Courtesy: Dapitan CPS
