Gikumpirma ni Japanese Prime Minister Sanae Takaichi nga kapin 50 ka tawo ang nasamdan human sa pag-igo sa magnitude 7.1 nga linog sa Japan.
Sumala sa Ministro, nagpadala na ang gobyerno og mga rescue team aron sa pagluwas sa mga tawo nga posibleng natanggong sulod sa usa ka shopping center nga ninguba tungod sa kusog nga pag-uyog sa yuta.
Dugang pa niya, pipila ka mga dalan ug mga building ang nakaangkon og kadaot tungod sa maong linog. Padayon usab ang assessment sa mga otoridad aron matino ang gidak-on sa kadaot sa mga apektadong lugar.
Samtang, walay gikatahong dakong kadaot sa Sendai Nuclear Power Plant, nga nahimutang duol sa epicenter sa linog. Base sa assessment sa International Atomic Energy Agency (IAEA), nagpabiling intact o walay dakong kadaot ang maong nuclear power plant.
Photo Courtesy: LA Times
