Nagpahayag og paglaum si US President Donald Trump nga posible ang usa ka negotiated peace deal tali sa Estados Unidos ug Iran, samtang tulo na usab ka adlaw nga wala magpadayon ang panagsangka tali sa duha ka nasod. Sumala ni Trump nga adunay posibilidad nga molampos ang bag-ong mga paningkamot sa diplomasya aron matapos ang gubat.
Apan gilimod sa Iranian Foreign Ministry nga adunay pormal nga negosasyon tali sa Iran ug Estados Unidos. Matod sa ilang tigpamaba nga si Esmaeil Baqaei, adunay mga mensahe nga mahimong ipasa sa mga mediator, apan wala pay direktang negosasyon tali sa duha ka nasod alang sa pagtapos sa panagbangi.
Sa laing bahin, mipahimangno si Trump nga kung mapakyas ang mga paningkamot alang sa usa ka kasabutan, posible nga ipadayon pag-usab sa Estados Unidos ang mga aksyong militar. Gipasalig usab niya nga igo pa ang suplay sa mga bala ug armas sa US bisan pa sa dugay nang panagbangi.
Photo Courtesy:SBS
