Nakadawat og pagdayeg ang usa ka supermarket sa Ching Mai, Thailan, human kini mipili sa paggamit og dahon sa saging isip paraputos sa pipila ka priskong prutas ug mga utanon imbis nga plastic packaging.
Maampingong giputos ang mga produkto gamit ang lapad nga dahon sa saging, gihigot pinaagi sa kawayan, ug gibutangan lamang og gamay nga sticker alang sa presyo ug uban pang impormasyon. Pinaagi niini, nabawasan ang paggamit sa single-use plastic nga kasagarang ilabay human sa pagpamalit.
Sumala sa mga eksperto, ang dahon sa saging dali nga madunot kumpara sa plastic nga mahimong magpabilin sa dunay nga panahon. Mahimo usab kini makuha gikan sa mga bahin sa tanom nga kasagarang dili na magamit human sa pag-ani.
Daghan ang nidayeg sa maong inisyatiba tungod kay nagpakita kini nga posible ang paggamit sa tradisyonal nga materyales sa modernong pagpamaligya aron makatabang sa pagpakunhod sa basura.
Ang maong pamaagi nagpamatuod nga ang yano nga mga solusyon, sama sa paggamit og dahon sa saging, mahimong adunay dakong papel sa pagbatok sa nagkadakong problema sa plastic pollution.
Photo Courtesy: Linkedln
