Gidayeg sa daghang nakakita ang usa ka higanteng smiley face nga naporma pinaagi sa liboan ka mga kahoy ug makita matag tinglagas sa Oregon, Estados Unidos.
Ang maong proyekto gihimo niadtong 2011 sa duha ka foresters isip kabahin sa reforestation sa usa ka pribadong lasang. Pinaagi sa maampingong pagtanom sa nagkalainlaing matang sa kahoy, makita lamang ang higanteng hulagway kung mausab ang kolor sa mga larch trees samtang nagpabiling lunhaw ang Douglas firs.
Human sa kapin usa ka dekada, nahimo kini nga talagsaong talan-awon nga makita sa mga moagi sa Highway 18 matag tinglagas.
Photo Courtesy:Instagram
