Gisaulog ni Hollywood singer ug actress Selena Gomez ang iyang adlawng natawhan dungan sa 6th anniversary sa Rare Impact Fund, usa ka organisasyon nga nagpalambo sa suporta alang sa mental health sa mga kabatan-onan.
Sa iyang Instagram post, nagpasalamat si Gomez sa tanang nagpadala og mensahe ug nagpadayon sa pagsuporta sa iyang adbokasiya. Giingon usab niya nga dako ang iyang kalipay sa pagtan-aw sa komunidad nga nagkahiusa aron mapalig-on ang kahimsog sa pangisip sa mga batan-on.
Gilunsad ni Selena ang Rare Impact Fund niadtong 2020, nga adunay tumong nga mapalapad ang pag-abot sa mental health services ug suporta alang sa kabatan-onan sa nagkalainlaing komunidad.
Photo Courtesy:Allure
