Gikatakdang ipahigayon sa Malaysia ang Formula 1 Bahrain Grand Prix sa Sepang International Circuit karong Oktubre 2 hangtod 4, human gikansela ang maong lumba sa Bahrain tungod sa sitwasyon sa Middle East.
Sumala sa mga opisyal sa Malaysia, gilauman nga makahatag kini og dakong benepisyo sa turismo ug ekonomiya sa nasud pinaagi sa pagdani og dugang mga turista, pagpataas sa global profile sa Malaysia, ug pag-abli og mga oportunidad alang sa umaabot nga pamuhunan.
Gipahayag usab ni Deputy Prime Minister Ahmad Zahid Hamidi nga ang pag-host sa maong internasyonal nga kalihokan makapalig-on sa posisyon sa Malaysia isip destinasyon alang sa mga world-class sporting events ug mahimong makatabang sa dugayng panahon sa pagpalambo sa turismo ug negosyo.
Samtang, gipaabot nga mokabat sa RM16 milyon ang gikinahanglang gasto alang sa pagpangandam sa Sepang International Circuit. Ang pagbalik sa Formula 1 sa Malaysia giisip nga dakong oportunidad aron mapalig-on pag-usab ang reputasyon sa nasud isip usa sa importanteng sentro sa international motorsports sa Southeast Asia.
Photo Courtesy: SPEEDWEEK.com
