Nahugno ang mga gambalay ug nakamugna og sunog ang kusog nga linog nga nitay-og sa nasud sa Japan gahapon, mao kini ang gipamahayag ni Japanese Prime Minister Sanae Takaichi diin di muminos sa 50 ka mga tawo ang gidala sa balay tambalanan human sa linog.
Sigon sa mga footages nga nikatap sa social media, makita ang mga niulbo nga sunog, ingon man naguba nga mga taytayan, naliki nga mga dalan ug ingon man mga train nga nitakilid human sa linog nga nitay-og sa Kyushu island. Sigon sa report, di muminos sa 12 ka mga panimalay ang nahugno.
Sa nasayran, gitaho sa Japan Meteorological Agency nga nitay-og ang magnitude of 7.1 nga linog alas 4:27 gahapon sa hapon didto sa Japan.
Samtangm gitaho sa Kyushu Electric Power, nga naa sa kapin 45,000 ka mga panimalay ug mga pasilidad ang napalngan og kuryente didto sa Kumamoto region. Hinuon, niingon sab kini nga normal ra ang operasyon sa mga nuclear reactors nga nag-operate sa maong rehiyon.
Sa nasayran, ang nasud sa Japan ang usa sa mga dapit sa kalibutan nga sagad tay-ogon og linog, sanglit nag-patong kin isa upat ka major tectonic plates sa ngilit sa Pacific “Ring of Fire.”
Photo courtesy:The NewYork Times
