Gipasiugda ni Presidenti Ferdinand Marcos Jr. sa iyang ika-5 nga State of the Nation Address (SONA) kagahapon, Hulyo 27, 2026, ang pagpasaka og mga kaso batok sa pipila ka opisyal, magbabalaod, ug kontraktor nga nalambigit sa korapsyon sa mga flood control project.
Lakip sa mga giingong atubangon og kaso sa Office of the Ombudsman ang mismong ig-agaw sa Pangulo nga si Leyte Representative Ferdinand Martin Romualdez, diin gipasabot sa Presidente nga bisan og sakit alang kaniya isip paryente, kinahanglan gihapon niyang tumanon ang iyang katungdanan ug ipatuman ang balaod.
Paspas usab nga nagpagawas og opisyal nga pahayag si Romualdez human sa SONA diin iyang gipadayag ang pagtahod sa baruganan sa Presidente. Gipaniguro sa representante nga nagpabilin siyang lig-on sa iyang pagdumili sa mga akusasyon, ug andam siyang pamatud-an nga wala siya makalapas sa balaod pinaagi sa pagsubay sa hustong proseso sa hustisya.
Ang maong pagbutyag maoy nag-unang gihisgutan sa Pangulo sa pagsugod sa iyang balitaw sa nasod, nga nagpadayag sa determinasyon sa gobyerno nga gukdon ang mga nalambigit sa anomaliya sa mga proyekto batok sa baha nga una na niyang gihisgutan sa miaging SONA.
Gibitbit ni Marcos ang mensahe nga labaw sa tanan, ang katungdanan sa pagpatuman sa hustisya ug pagpanalipod sa pondo sa nasud ang kinahanglang mopatigbabaw
Photo Courtesy:Philippine News Agency
