Gikondenar sa Malaybalay City Police Station, sa pagpanguna ni Chief of Police PLTCOL Joepet B. Paglinawan, ang nahitabong pagpatay sa usa ka sakop sa LGBTQ community sa Purok 7, Brgy. 1, Malaybalay City, Bukidnon.
Kasamtangang nagpadayon ang gipahigayong hot pursuit operation sa kapulisan aron dali nga madakpan ug mapaatubang sa hustisya ang responsable sa maong dautang krimen.
Aron mas magpaspas ang pagkasulbad sa kaso, nagtanyag na usab og ₱30,000 nga reward money si Konsehal Jason Chad Ayala alang sa bisan kinsa nga makahatag og eksaktong impormasyon nga makatudlo sa nahimutangan sa suspetsado. Ang maong inisyatibo nagtumong sa pagpadasig sa publiko nga motabang ug makig-alayon sa mga awtoridad aron hatagan og dinalian nga aksyon ang maong hitabo.
Nanawagan usab ang kapulisan sa tibuok komunidad nga magkahiusa sa pagkondena sa krimen ug i-report dayon sa pinakaduol nga estasyon ang bisan unsang mahinungdanong detalye nga ilang nasayran. Gitumbok ni PLtcol. Paglinawan nga dako kaayo og gipuy-an ang kooperasyon sa katawhan aron makab-ot sa labing madaling panahon ang hustisya alang sa biktima ug sa iyang kabanay
Photo Courtesy:Malaybalay City Police Station
