Alang kang National Task Force for the West Philippine Sea spokesperson Rear Admiral Jay Tarriela, ang bahin sa State of the Nation Address (SONA) ni Pres. Ferdinand Marcos Jr. bahin sa West Philippine Sea maoy labing nagpabilin sa iyang hunahuna.
Matod niya, lig-on nga gipakita sa presidente ang baruganan sa Pilipinas pinaagi sa pagpasidungog pag-usab sa 2016 Arbitral Award ug sa pagpanalipod sa soberanya sa nasod.
Gidayeg usab niya ang panawagan sa presidente nga maghiusa ang tanang Pilipino alang sa umaabot nga mga henerasyon. Dugang ni Tarriela, ang maong bahin sa SONA maoy nakadawat sa usa sa labing kusog nga pagpakpak gikan sa mga mitambong.
Photo courtesy: Philippine News Agency
