Duha ang patay human sa nahitabo nga mass shooting sa Seattle, didto sa Amerika samtang di muminos sa upat ang naangol atol sa pangitabo lakip na ang usa ka bata.
Matod ni Seattle Mayor Katie Wilson, nga gikustodiya na ang usa sa mga suspetsado human sa insidente. Nasayran nga nahitabo ang pagpamusil sa dapit nga inila nga suruyanan alang sa mga turista.
Gikomperma sa Seattle Fire department, nga duha ang konpirmadong patay atol sa mass shooting. Gitaho sab sa kapulisan sa Seattle nga daghan ang biktima sa insidente nga nahitabo sa duol sa Space Needle observation tower.
Gipasalamatan sab ni Mayor Wilson ang Seattle police sa ilang dinalian nga pagresponde ug dali nga pagkustodiya sa mga suspetsado. Sumala sa report nga nahitabo ang mass shooting atol sa “Bite of Seattle” summer festival diin daghan ang mga turista ang nitambong sa kalingawan.
Photo courtesy: Yakima Herald Republic
