Usa ang namatay samtang 30 ang naangol—diin walo ang grabe ang kahimtang ug tulo ang anaa sa kritikal nga kondisyon human gidaro sa usa ka van ang pundok sa mga tawo nga nagtapok alang sa sikat nga LGBTQ+ event sa Berlin niaging adlaw.
Gitino sa mga awtoridad sa Germany nga usa ka terrorist attack nga may kalambigitan sa Islamist extremism ang maong insidenti atol sa Christopher Street Day Pride event.
Giila ang suspek nga si Abdul B., usa ka German citizen nga may Lebanese background ug bag-o lang nakagawas sa juvenile detention duha ka bulan ang nakalabay, kinsang daan nang gi-monitor sa domestic intelligence tungod sa posibleng ugnayan niini sa Islamic State group.
Padayon karon ang gihimong manhunt operation sa Berlin Police batok sa armado ug peligrosong suspek, samtang giimbestigahan usab kon aduna ba kini mga nakuyog nga nitakbong kauban gikan sa sasakyan.
Taliwala sa maong trahedya, gipasalig sa goberno sa Germany nga patubagon ang mga responsable sa maong pag-atake dungan sa gipanglantawan nga pagpahigpit sa ilang mga palisiya bahin sa immigration
Photo Courtesy: KNKX
