Labing gikinahanglan karon sa dakbayan sa Cagayan de Oro nga magduso og mga lakang aron nga mas mapalambo ang public transportation system sa syudad.
Kini ang gipunting ni City Councilor Edgar Cabanlas human nga gisugyot sa hawanan sa konseho nga magdugang og mga satellite terminal alang sa public transport aron nga dili manghuot sa Bulua Westbound Terminal ug Agora Integrated Bus Terminal ug makadugang sab sa problema sa trapiko sa mga kadalanan.
Sumala pa ni Cabanlas, dili lamang kini simpleng problema sa kakuwang sa mga terminal, apan diha pa mismo sa pagplastar sa public transportation system nga mahimong mas episyente ug barato alang sa mga sumasakay.
Gibutyag sab ni Cabanlas nga aduna nay mga plano uban sa mga nasudnong ahensya sa gobyerno, apan kutob pa lamang sa mga plano ug kinahanglan pang panghingusgan.
Photo courtesy: LTFRB Region X – Cagayan de Oro City
