Nagpahimangno ang Department of Trade and Industry Region 10 sa mga konsumidor nga likayan ang pagpalit sa mga dili gikinahanglan aron masigo ang igo-igo nga kinitaan sa pagbudget.
Sumala ni DTI-10 Spokesperson Julie Nieva, angay unahon ang mga prayoridad nga panginahanglan aron mas hapsay ang pagdumala sa inadlaw-adlaw nga galastohanan.
Dugang pa nga sa pagkakaron, nagpabilin pa sa naandang presyo ang mga batakang palaliton ug wala pa’y namonitor ang DTI-10 nga dili makatarunganong pagsaka sa presyo sa mga basic needs.
