Gihugtan sa Cybercrime Investigation and Coordinating Center (CICC) ang ilang pagbantay batok sa fake news, cyber threats ug uban pang online nga kalihokan panahon sa ikalimang State of the Nation Address (SONA) ni Pangulong Ferdinand Bongbong Marcos Jr.
Sumala kang CICC Undersecretary Renato Aboy Paraiso, gipakusgan na ang 24/7 monitoring sa Cybercrime Response Center ug Threat Monitoring Center aron dali mamatikdan ang posibleng pagpakatag og sayop nga impormasyon ug mga panawagan nga mahimong makasamok sa kalihokan.
Bisan sa hugot nga pagbantay, gipadayag sa CICC nga hangtod sa pagkakaron wala pa silay makit-i nga seryosong hulga o organisadong plano nga adunay tuyo sa pagguba o pagsamok sa ipahigayong SONA.
Photo Courtesy:Linkedln
