Gikalingawan karon sa socmed ang usa ka plumbing company sa Stavropol, Russia human sila nag-organisa og usa ka talagsaong kompetisyon nga gihimong “Game of Thrones.”
Sa unang round sa padula gihagit ang mga partisipante nga moinom og non-alcoholic sparkling drink gikan sa mga brand new nga inodoro gamit ang dagkong straw. Gibahin sa tag-pito ka miyembro ang mga tawo, ug ang pinakapaspas moinom maoy makaabante sa sunod nga round.
Matud pa, paunahay nga makahurot sa ilimnon gikan sa toilet bowl gamit ang straw unya ang pito nga makadaog sa unang round kinahanglan nga molingkod sa nakasiradong inodoro. Ang katapusang tawo nga magpabiling naglingkod maoy ideklarang kampion ug modaug balor sa 100,000 rubles (anaa sa ₱79,000).
Photo Courtesy:Dexerto
