Nipahimangno ang Philippine National Police-Anti Cybercrime Group (PNP-ACG) sa publiko kalabot sa bag-ong klase sa pagpangilad kon scam nga gitawag og “Quishing” o “QR Phishing”.
Diin mogamit ang mga cybercriminal og QR code aron dad-on ang biktima sa usa ka peke nga website aron makakuha og personal ug pinansiyal nga impormasyon.
Pahimangno sa ACG nga likayan ang pagscan og mga QR code gikan sa mga dili kaila nga mga source ug susihon una ang mga URL niini usa magbutang og mga impormasyon.
Dugang sa ACG nga dili dayun mohatag og OTP lakip ang mga personal nga mga detalye ug mogamit lang og mga opisyal nga application o verified nga mga apps websites.
Photo courtesy:Citynet
