Nahugno ang bahin sa usa ka gitukod nga tunnel sa usa ka hydropower project sa Himalayan state of Sikkim, sa nasud sa India hinungdan sa pagkamatay sa di muminos 12 ka mga tawo samtang 13 ang gikataho nga missing.
Sigon sa mga opisyal nga gidudahang gas explosion ang hinungdan sa pagkahugno sa maong tunnel. Sumala pa nga gipaspasan karon sa mga rescue teams nga nagdala og mga oxygen tanks ang pagpangita sa mga survivors tungod sa nabantayan nga pagsaka sa lebel sa toxic gas.
Gihulagway sa mga opisyal nga tungod sa kakusog sa pagbuto, dakong kadaot ang nahiaguman sa tunnel samtang dunay 21 ka mga trabahante ang nagtrabaho sulod sa 500-megawatt Teesta hydroelectric project.
Dugang pa sa mga otoridad nga nisulay pagresponde ang unom ka mga power utility officials sulod sa tunnel, apan na trap sab sila. Gituohan nga ang pagkatigom sa methane gas ang hinungdan sa maong pagbuto.
Photo courtesy: CNA
