Giangkon sa Dalaguete Water District kon DWD nga dako na kayo ang suliran sa patubig sa ilang lungsod nga nakaapekto sa daghang mga lumulupyo niini.
Sumala kang Engr. Ildebrando Almagro, representante sa DWD nga daghang lugar sa lungsod ang nakasinati og dugay nga pag-agas sa tubig samtang ang uban wala na gyud tubig.
Apan human sa ebalwasyon, gibutyag ni Almagro nga dili problema sa distribution ang ugat sa suliran sa patubig sa lungsod kondili ang kawalay kakuhaan sa tubig.
Gidugang usab sa tinubdan nga nag-ubos ang pundo gikan mismo sa tuburan sa Obong Spring nga maoy gigikanan sa tubig nga ilang gigamit karon samtang nagkadaghan ang tawo sa ilang lungsod ug nagkadako ang panginahanglan.
Kalabot niini, giduso sa DWD nga uban sa tabang sa panggamhanan, magkalot og bag-ong mga tinubdan sa tubig aron masolusyonan ang krisis nga ila karong giatubang.
Photo courtesy: Dalaguete Water District/Fb page
